Хемиско и контролно инженерство

Институтот за хемиско и контролно инженерство e дел од Технолошко-металуршкиот факултет во Скопје, УКИМ, од неговото основање во 1959 година.

Институтот е носител на наставната програма на додипломски студии на студиската програма Дизајн и менаџмент на технолошки процеси. Овие додипломски студии се реализираат во траење од 4 академски години, распределени во 8 семестри, со вкупно 240 ЕКТС-кредити. После успешното завршување на студиите, студентот се стекнува со стручен назив Дипломиран инженер технолог.

Преку наставните предмети се стекнуваат знаења за анализа и решавање на сите видови инженерски проблеми од областа на хемиската индустрија и на неа сродните индустрии. Исто така, студентите здобиваат суштински познавања од областа на: дизајнот на технолошките процеси, технолошките операции и техники, мерните инструменти и контрола на процесите, компјутерската симулација и оптимизација, конструкциските материјали во хемиското инженерство, контрола на корозијата во процесната индустрија, организација и менаџмент, економската анализа, екологија во технологија и добивање на готови производи од сите видови на индустрија. Наставниот кадар на Институтот активно учествува во наставата и на останатите студиски програми на додипломските студии на Факултетот.

Институтот е носител на наставната програма на последипломските студии на студиската програма Дизајн и менаџмент на технолошки процеси. Овие последипломски студии се реализираат во времетраење од 1 академска година, односно 2 семестри, 60 ЕКТС-кредити. По успешното завршување на студиите, студентот се стекнува со стручен назив Магистер на технички науки. Програмата на студиската програма е насочена кон продлабочување на знаењата и вештините во дизајнирањето, управувањето и контролата на технолошките процеси. Наставниот кадар на Институтот учествува во изведба на постдипломските студии и на останатите студиски програми на Факултетот, како што се: менаџмент на квалитет, електрохемиско инженерство, инженерство на животна средина и др.

Институтот е активно вклучен во наставната програма на докторските студии: Технологија и Металургија. Докторските студии се реализираат во времетраење од 3 академски години, 6 семестри, 180 ЕКТС-кредити и студентот се стекнува со стручен назив Доктор на технички науки.

Во склоп на Институтот за хемиско и контролно инженерство се наоѓаат современо опремени лаборатории, како што се:
• компјутерска лабораторија,
• лабораторија за сепарациони процеси,
• лабораторија за води и водни ресурси,
• лабораторија по технолошки операции,
• лабораторија по основи на инженерска техника и
• лабораторија по физичка хемија.
Овие лаборатории се соодветно опремени со најнова технологија и инструменти, со што на студентите им се овозможува да стекнат практични вештини и да ги применат своите теоретски знаења во реални услови.

Исто така, Институтот има соработка со многу домашни и странски фирми, институции и невладини организации. Соработката овозможува размена на знаења и искуства, како и развој и практична примена на проекти. Партнерството со фирмите и инситуциите придонесува во креирање на наставни програми во согласност со потребите на реалниот сектор. Дополнително, овозможува стажирање на студентите во текот на нивните студии, што им овозможува стекнување на практични вештини и создавање на вредни контакти во професионалната сфера.

Инженерството не е само знаење или поседување знаења како подвижна енциклопедија; Инженерството не е само анализа; Инженерството не е само поседување на капацитет да се добие решение за непостоечки инженерски проблем. Инженерството е умеење на организиран начин да се пробие патот кон технолошките промени… Инженерот работи на границата меѓу науката и општеството (Massachusetts Institute of Technology (1962)) Dean Gordon Brown.

Добриот инженер во дизај и менаџмент во хемиската индустрија, е совршен композитор… Тој не е научник, тој не е хемичар, тој не е физичар, тој не е биохемичар, тој не е математичар, тој не е економист, тој не е социолог или писател, но тој ги користи знаењата и техниките од сите овие дисциплини за решавање на инженерските проблеми. Хемискот инженерство е примена на науката во добивање економично производство (H.P.Gillette, 1910).